Familiearrangement: Toget

Toget er eit band som speler kul gitarmusikk. Her får du både musikk du garantert har høyrt før, blanda med musikk du ikkje har høyrt tidlegare. Dette toget stoppar på stasjonar langs den amerikanske gitarmusikkhistoria, frå tidleg på 1900-talet og framover. Ta plass på toget og bli med og syng, klapp, knips og dans! Toget slentrar stødig og taktfast langs skjenene og tek deg trygt gjennom kjende og ukjende landskap.

Konseptet er kort fortalt at publikum blir introdusert for musikk frå den amerikanske gitartradisjonen. I tillegg blir kjende melodiar og barnesongar blanda inn, slik at dei kjende songane blir ein slags raud tråd gjennom det ukjende. Publikum blir oppmoda til å aktivt lytte etter kjend musikk inne i det ukjende og er i stor grad deltakande med klapping, synging og jubel.

Marius Hirth Klovning - Gitar og Banjo

Edvard Mjanger - Bass

Mats Mæland Jensen - Trommer og perkusjon