Lena Nymark (37) slepp før jul soloalbumet «Trapped in Silence» og gledar med dette ein solid tilhengarskare som har latt seg begeistre av den leikne, uforutsigbare artisten. Nymark veit å bergta sitt publikum med yndige, melodiøse, søkande og samtidig trygge vokaltonar. Etter å ha vore med i den internasjonalt anerkjente trioen Dinosau i ei årerekke, slapp ho for tre år sidan sitt første soloalbum «Beautiful Silence». Anmeldarane svarte med å omtale ho som ein spanande, allsidig og  grenselaus artist: «Dette er så langt fra A4-pop som vel mulig, men den er likevel lett tilgjengelig» (Side 2), «Sangeren Nymark bærer fram de romantisk-eksistensielle tekstene uttrykksfull og med fint kontrollert stemme» (Terje Mosnes, Jazz i Norge).

​

Nymark har med seg Dag-Filip Roaldsnes med nydelige, klingande melodiar på piano, kontrabassist Jo Fougner Skaansar supplerer med meditative, nær terapeutiske tonar på bassen. Stig Rennestaum, Nymark si musikalske tvillingsjel i snart to tiår, er sjølvsagt med på trommer. Nymark smyg, trillar og støter seg fram mellom dem, gir musikarane tydelig plass, og resultatet vert eit naken, nært uttrykk der vokalen både ledar an og underordnar seg. Det er vokalist Nymark som står for albumet sine tekstar og komposisjonar. Etter i fjor å ha gjeve ut ei plate med berre norske tekstar, i lag med Jens Arne Molvær, har ho denne gongen også skrive på engelsk.

​

Ta ei pause i ei hektisk førjulstid og nyt denne perla på Rokken!

​